โหตีติ ฯ อตฺถิ ภนฺเต ทฺวิมตฺตานิ โยชนสตานีติ ฯ กีวทูรํ มหาราช ตโต
กสฺมิรนครํ โหตีติ ฯ ทฺวาทส ภนฺเต โยชนนีติ ฯ อิงฺฆ ตฺวํ มหาราช กาลสิรคามํ
จินฺเตหีติ ฯ จินฺติโต ภนฺเตติ ฯ อิงฺฆ ตฺวํ มหาราช กสฺมินครํ จินฺเตหีติ ฯ
จินฺติตํ ภนฺเตติ ฯ กตมํ นุโข มหาราช ตยา จริตรํ จินฺตินํ กตมํ สีฆตรนฺติ ฯ
สมกํ ภนฺเตติ ฯ เอวเมว โข มหาราช โย อิธ กาลกโต พฺรหฺมโลเก อุปฺปชฺเชยฺย
โย จ อิธ กาลกโต กสฺมิรนคเร อุปฺปชฺเชยฺย สมกํ อุปฺปชฺชนฺติ ฯ ภิยฺโย อุปมํ
กโรหีติ ฯ ยถา มหาราช เทฺว สกุณา อากาเสน คจฺเฉยฺยุํ เตสุ เอโก นีจรุกฺข นิสีเทยฺย
เอโก อุจฺจรุกฺเข นิสีเทยฺย เตสํ สมกํ ปติฏฺฐตานํ สตมสฺส ฉายา ปฐมตรํ ปฐวิยํ ปติฏฺเฐยฺย
กตมสฺส ฉายา จิรตรํ ปฐมวิยํ ปติฏฺเฐยฺยาติ ฯ สมกํ ภนฺเตติ ฯ เอวเมว โข มหาราช
โย อิธ กาลกโต พฺรหฺมโลเก อุปฺปชฺเชยฺย โย จ อิธ กาลกโต กสฺมิรนคเร อุปฺปชฺเชยฺย
สมกํ อุปฺปชฺชนฺตีติ ฯ ภิยฺโย อุปมํ กโรหีติ ฯ มํ มหาราช โอโลเกหีติ ฯ โอโลกิโต
ภนฺเตติ ฯ จนฺทิมสุริยํ โอโลเกหีติ ฯ โอโลกิโต ภนฺเติ ฯ ตยา มหาราช อหํ วา
จิรตรํ โอโลกิโตติ ฯ เทฺวจตฺตาฬีสโยชนสหสฺสานิ จนฺทิมสุริยา วา จิรตรํ โอโลกิตาติ
ฯ สมสมกํ สมาจิตฺตํ โอโลกิตนฺติ ฯ เอวเมว โข มหาราช อิธ กาลกตา เอโก พฺรหฺมโลเก
อุปฺปชฺเชยฺย เอโก กสฺมิรนคเร อุปฺปชฺเชยฺย สมสมกา อุปปตฺตีติ ฯ กลฺโลสิ ภนฺเต
นาคเสนาติ ฯ

พฺรหฺมโลเก กสฺมิรนครปญฺโห ปญฺจโม ฯ

ราชา อาห อหํ ภนฺเต นาคเสน ตุริตการณํ ปุจฺฉิสฺสามิ ภนฺเต นาคเสน
สตฺโต ปรโลกํ คจฺฉนฺโต นีลํ วา โลหิตํ วา ปีตํ วา โอทาตํ วา มญฺเชฏฺฐํ วา
ปภสฺสรํ วา กตเม วณฺเณน คจฺฉติ อถวา หตฺถิวณฺเณน วา อสฺสวณฺเณน วา รถวณฺเณน
วา คจฺฉตีติ ฯ อปญฺญตฺตํ มหาราช ภควตา เตปิฏเก พุทฺธวจเน นตฺถีติ ฯ ยทิ
ภนฺเต นาคเสน สมโณ โคตโม สตฺโต ปรโลกํ คจฺฉนฺโต อนฺตรมคฺเค นีลํ วา ปีตํ
วา โลหิตํ วา โอทาตํ วา มญฺเชฏฺฐํ วา ปภสฺสรํ วา น ปญฺญายติ กึ สพฺพํ
ชานาติ เนตํ ปรโลกํ คจฺฉติ ภนฺเต นาคเสน ย วา คุณสฺส อาชีวกสฺส วจนํ ตเถว
สจฺจํ ปณฺฑิโต โส อาจริโย ยตฺร หิ นาม เอวํ วกฺขติ นตฺถิ โลโก นตฺถิ ปรโลโก
สตฺโต ปรโลกํ น คจฺฉตีติ ฯ สุโณหิ มหาราช มม วากฺยนฺติ ฯ อาม ภนฺเต นาคเสน
สุโณมิ ตว วากฺยนฺติ ฯ มม วากฺยํ มหาราช มุขโต มุตฺตํ ตว กณฺเณ สมฺปตฺตํ